Қазақстан Суперкубогы Оралда өтеді

16.07.2025 10:30
Қазақстан Суперкубогы Оралда өтеді

Қазақстан Суперкубогы Оралда өтеді


Футзалдан Қазақстандағы жаңа маусым Орал қаласында өтетін Суперкубок матчымен ресми түрде басталады. 23 тамызға жоспарланған шешуші ойында ел чемпионатының жеңімпазы – алматылық «Қайрат» пен Қазақстан Кубогының иегері – «Семей» командалары жаңа спорт кешенінің аренасында өзара мықтыны анықтайды.


Бұл кездесудің ерекшелігі – футзал тарихында алғаш рет Суперкубок ойыны Батыс Қазақстан облысында, су жаңа әрі заманауи спорт кешенінде өткізілмек. Бұл аймақтағы футзалдың дамуына жаңа серпін беріп, жергілікті жанкүйерлер үшін айтулы оқиғаға айналатыны сөзсіз.