Жақсылық Байсариев – 2024/25 маусымының үздік бапкері.

Жақсылық Байсариев – 2024/25 маусымының үздік бапкері.

Қазақстан футзал қауымдастығы өткен маусымның үздік ойыншылары мен мамандарын анықтау мақсатында сауалнама жүргізді.

35 жастағы қазақстандық маман, «Атырау» футзал клубының бас бапкері Жақсылық Байсариев жеңімпаз деп танылды. Ол 2019 жылдан бері үзілістермен «Атыраудың» бас бапкері. Өткен маусымда оның жетекшілігімен команда екінші рет қола жүлдегер атанды. Ол 22 ұпай жинап, үздік бапкер атанды. Екінші орында «Жетісудың» бас бапкері Биро Жаде. Үздік үштікті Василий Смолин жапты.

Бұған дейін үздік жаттықтырушылар Какау (5 рет), Әміржан Мұқанов (4 рет), Борис Глушков пен Кака 2 рет, сондай-ақ Ренат Камалетдинов, Жоао Карлос Барбоза және Дави Мендонса бір реттен танылған болатын.

Дауыс беру нәтижелері

 «Үздік бапкер»

1.     Жақсылық Байсариев («Атырау») – 22 балл;

2.     Биро Жаде («Жетісу») – 5;

3.     Василий Смолин («Аят») – 4;

4-5. Аслан Смақов («Семей») – 3;

4-5. Әміржан Мұқанов («Тұлпар») – 3;

6-9. Марлон Веласко («Қайрат») – 1;

6-9. Жозе Алесио («Ордабасы») – 1;

6-9. Густаво Парадеда («Қайрат») – 1;

6-9. Жақсылык Әлішбаев («Каспий») – 1.